بخاااااااااااااف

[center]بخاف

آه بخاف .. أنا بعترف ..........قلبى عن الناس يختلف ..

قلبى بيحلم بالأمان ............. بيخاف كتير غدر الزمان

من أى حاجة بيرتجف

مش عاوزة أدوق طعم الألم ..... ولا عاوزة أشعر بالندم

خايفة أكون يوم تجربة ......... وأخرج بذكرى مرعبة

وما اعرفش مين فينا انظلم

أه بخاف ..ما انا شفت ياما ......... م الهوى رجعوا بملامة

والطريق كان شوك وجرح ................ رغم إن بدايته فرح

الدمع كان ورا الابتسامة

آه بخاف .. من غير هروب ..... زى الطيور وقت الغروب

بتخاف يضيع النور ,, يغيب .... والليل ما يرحمش الغريب

لو يوم يتوه وسط الدروب

أناهعترف ..

شئ من غرور بيشدنى ................. أحلام جميلة بتتبنى

مش قابلة اكون ضمن الرعايا.... أنا عاوزة اكون ملكة فى هوايا

قلب الأمير بيضمنى

[/center]

جامد اوى
شكرا ليكى